فك أسر الخوف ... بـقلم / الشاعر عادل عوف

فك أسر الخوف و احضن فيك أنا
طبطب على كل اللي الجراح المؤلمة
ماتخفش ابدا م اللي فات والذكريات
وإزرع خريف القلب فرح و سوسنة

ايه اللي نابك م الزعل غير الوجع
ايه اللي ممكن يتعمل أو يتبع
السهم صاب/ والجرح لم /يبقى الأهم
تشوف حياتك يا جدع

خلي اللي فات ادام عينيك ماتنشاهوش
وإن ياما لسه هتقابلك وشوش
على كل لون / وكل وش وله هدف
مش كل وش ينكشف تصرخ لي حوش

للناس مواكب تبهرك زافين ملاك
وتشوف عجايب قدرته لو كان معاك
أصناف كتيره من البشر لكن اكيد
ان اللي حبك يفقدك لو كان فيداك

عاهدني تبقى ادها وكفايا خوف
واقهر الواد السذج جواك و شوف
الحقيقه عايزه عين ملهاش ميول
ولسان يقول / رغم الملامه والظروف

#عادل_عوف
#أسر_الخوف