الغربة تربة ::: بقلم / الشاعر وحيدعلي محمدحسين

الغربة تربة 
لا دي الغربة شوربة 
فيها اللي قاعد 
وفيها اللي نايم 
وفيها اللي عايش 
حياتة كربه
واهي ماشية بينا
زي السفينة
ريح تاخدنا
وريح تجيبنا
وريح تودينا
ولا شفنا مرسى
ولا حتى مينا
مش كده
يا أخينا
طلعنا برة
أتريها جرة
ووراها جرة
ووراها جرة
حسدونا جوه
وحسدونا برة
وهو ده يا ناس
يبقى قدرنا
وهو ده يا ناس
يبقى قدرنا
شوف كام ريال
على كام دولار 💵
واهي عيشة
سهلة من غير كلام
آدي اللي قاعد
في بلدنا يحسد
على اللي داخل
وعلى اللي خارج
وياريتوا عارف
بندفع كام
ندفع حياة
مر وقسا
وعذاب وحيرة
ما كفاية غيرة
تعالى بدل
يا ابن اللذين
وبكرة تعرف
ان البعد عن
امك وابوك
والناس اللي
بيحبوك
ده له قيمة
بتدفعها جملة
يا ابن اللذين
حضن ودفا
ولحظات وفا
وغصب عنك
وياريت قلبك
منها اكتفى
لكن في الغربة
بتلاقي الجفا
بين اربع حيطان
والحزن منك
ما اكتفى
خليك في بلدك
ووسط أهلك
دي الساعة 🕜
في قربهم
بمليون غربة
من الجفا
عايز تجرب
روح وقرب
بس اوعى منها
تشتكي
وتقول ياريتني
ما عصيت
أبويا وولدتي
لما قالوا لي
خليك هنا
خليك فاضل
جنبنا
أنا وغيري
بننصحك
خليك في بلدك
وادعي ربك
يربحك
ما ياما قالوا
في الأمثال
اسأل مجرب
ولا تسأل طبيب 😷
وادي احنا جبنا
لك خلاصة
ياريتك منها
انت وغيرك
تستفيد
ياريت منها
انت وغيرك
تستفيد
شعر/وحيدعلي محمدحسين