محمد الساعي ////// العمر لحظة
العمر لحظه
ف ليه هاخاف اني اموت؟
وليه راح ابكي ويتخنق
جوايا صوت؟
وفيها ايه قلبي اتوجع؟
ما طول حياتي في الوجع
ولا عمري يوم سلمت ليه
وكنت اقول اجمد يا واد
بطل بقى كفاياك دلع
قلبي اللي ساع الدنيا فيه
مش راح يقع
مهما اتوجع
هافضل لاخر نبضه فيه
عاشق متيم للحياه
ومهما قلت بحرقه آآآه
والآهه شقت صدري
من كتر الألم
هامسك بايدي يادوب قلم
واكتب بكل الحب
واصرخ باعلى صوت
انا مش هاموت
غير لما أجلى ينتهي
واغرق انا في بحر السكوت
طول ما ف ايديا ياناس قلم
ح اهزم في قلبي جيوش ألم
وانسى الندم ويَّا الآهات
ولما ييجي اليوم واروح
وتنتهي جوايا روح
هايقولوا كان عاشق متيم للحياه
لكنُّه ماااات
ليست هناك تعليقات