مصر راجعــــــه ، بقلم / سيد صبيح

مصر راجعه بكره تانى

رافعه راسها فى العلالى

ماسكه توب ابيض بايدها

وعقد ماس عمال يلالى

مصر مرت بكبوات كتيره

وبهزيمه كانت نهايه

وبعد سنين رجعت تانى

بنصر كان لينا غايه

هى دى مصر وهم

دول رجالها المخلصين

اللى بنوا الاهرامات والسد

واللى بيتسرقوا من سنين

واللى ماتوا دول ولادنا

واخواتنا واولاد العم

ياما كان فى نفسى

اننا على راى واحد نتلم

نبنى مصر ونعيد لها

اسمها وامانها وامنها

وقلوبنا تبقى قلب واحد

ويحرم علينا دمنا

مين مستفيد م اللى جرى

ومين قصده يزلنا

فكروا يامصرين قبل

مايوم نضيع

ولانلاقى لنا وطن

ولارض تانيه تلمنا

وكفايه الدم اللى سال

شباب ونسا واطفال

كل نقطه دم نزلت

فى رقبنا كلنا

من كل جانب الكل حرض

وناس من بره بتذقنا

مين برئ من دم دول

كلنا اشتركنا فى دمهم

ودى حقيقه ماتتنكرش

وبكره حنموت زيهم

ح تقولوا ايه لربنا

لما يسالكم عن دمهم

كفايه حرام اللى احنا فيه

وكفايه دم يروح هدر

ولو انت فرحان النهارده

بكره لاتامن مكر القدر

اصحا يامصرى وفوق يامسلم

قبل الدم مايبقى غدير

ولو انت عايز تموت شهيد

ماالقدس بقاله سنين اسير

فى ايد عدو موته حلال

مش مصرى يابنى زينا

حرام عليكم تضيعونا

وحرام عليكم دمنا

بقلـــــــــــــم

سيد صبيح

مواطن مسلم مصرى

بحبك يابلدى يامصر