بحبك ، بقلم / محمد حسانين

بحبك

بحبك فى ظلمك

وعنفك وقهرك

بحبك وحبك داء جوايا

بحبك يا أمايا

ولمة كانت فى عيايا

بحبك يا تراب عطر

هدومى يوم ميلادى

وجنة هتربع فيها فى قبرى

وتغسل ذنوبى

وتفرح بالجنة ويايا

بحبك

إظلمينى

شردينى

تعالى عليا

ومن حقى خدى

بس إياكى

إواعكى

يوم تنسينى

دا إلى بناكى وعلاكى

وعرقه عطر جبينك

وخلاكى

عروسة بين البلاد

دا إلى إشترى شبكتك

ودفع مهرك

وقرا فاتحتك

وبدمه روى نيلك

وبايده خط سكتك

معقولة تسيبنى

للغيلان

وأنا وحيدك

ووارث تاريخك و تركتك

لاء مش ممكن

يجى يوم أكون طرديك

ومهدور دمى

وأنا لسه متمسك بيكى

وأنا لسه فى إيدى دبلتك

بحبك يا مصر