أشترى بسذاجتى حب الوطن ، بقلم / ناجى عبد المنعم

الى المرأة الوحيدة التى استطاعت

أن تجلس على عرش قلبى

***************************

بخ المحيط

كل اللى باقى من ضجيج التابوهات

فانسابت القناديل على –

رمل الشطوط

تطحن فى دم الأورده

من بين مسام الجلد /

خطـّـيت /

وابتديت /

أعلن بداية البدء فى –

زمن التشهــّــى والشتات

بخليط ومزج من ائتلاف

الأفئده

لحلول تباشير التمنى للخروج –

من عتمة البحر الغويط !!

مفتون أنا

يمكن يكون

القلب مفتون بالهوى

يمكن يكون

العقل مفتون بالسياسة -

والتاريخ

يمكن أكون

تايه مابين

متغيرات الفلسفه

والحرب بين كل اللغات

بس الأكيد

لا قدرت اكون ( روميو ) العنيد

ولا ( قيس ) اذا اترشقت سهام –

الغدر فى القلب السعيد

لكنّــى عاشق بس انا

عاشق جديد

( متمردة /

صوتك من النيل والزتون /

قلبك مابين صحو وسكون /

همسك يكون أو لا يكون /

عقلك اذا احتدم الوطيس /

يهتك ستار أعتى الحصون )

يرميتى شوقى لابتهاج الدم جوّه

الأورده

أدخل فى شريان الحياه

وأبدأ حياتى من جديد

أرسم خريطه للهوى

من غير حدود

من غير سياسات مجحفه

أو فتح باب -

لنسيج متون الفلسفه

ان دق قلبى وارتويت

من نشوة الحب العفيف

لا يهمنى زحف الجراد

ولا نشر أبعاد الوهن –

للتابوهات جوه الخريف

********************

من ديوان ( أسفار الخندريس )