أنا مصري ، بقلم / محمد الساعى

عمري ما كنت في مره مُسَيْس

ولا عقلي مني يوم غاب

ولا كنت ف طايفه على طايفه

ولا باتمسح في الاحزاب

يعني انا مصري وبس باقولها

ومش محتاج شكر ولا عتاب

مصر بتنزف دم ولادها

لا والصوره بحالها ضباب

هيا بلدنا ناقصه يا عالم

قتل وموت ودمار وخراب

*****

يعني ندمر كل بلدنا

علشان سُلطه ملهاش لازمه

ناس وبتُنْخُر جوا عقولنا

علشان مصر تعيش في الأزمه

اوعى يا مصري تعوم على عومهم

دول ناس على تدميرنا عازمه

اصحى يا مصري وحاول تفهم

مين يستاهل ضرب ( ،،،،، )

****

مصر الغاليه أمانه في ايدنا

مش هنضيعها علشان

كنا معاكم يوم ما وقفنا

ضد الظلم والطغيان

لكن مش راح نقبل ابدا

ان انتوا تهدوا البنيان

مصر بلدنا هاتفضل دايما

والخاين بكره هايبان

لما الشعب هايعرف دوره

ويعرف مين ضده ومين خان