قلب رهيف بقلم / سميره الاسريجى

قلب حبيبى-- زى فراشه
طاير-- على كل الازهار
يعشق واحده-- ويرسم واحده
وواحده يقولها حبك نار
واحده يعيش وياها امبارح
فى هواها-- وفى حبها سارح
وواحده يلف وراها الدنيا
ماسك ايدها-- جى ورايح
اصل حبيبى
عاشق سنيما-- غاوى مسارح
قلب حبيبى -- حنون ورهيف
فاكر الحب ده قطر مكيف
كل -- محطه -- بينزل -- فيها
يعمل انه-- جى يصيف
واما اعاتبه يجينى ويحلف
وانا وياه مش عارفه اتصرف
مين فيكوا يااحبه بيعرف
ازاى يشفى -- قلب رهيف
----
قلت ادوس على قلبى واسيبه
يمكن يهدى -- وحبى يجيبه
جانى صحيح ولاقيته جايبلى
واحده خاطبها وماسه فى ايده
واللى يقولوا يعيده يزيده
بيورينى الدبله فى ايده
وبيتالم من تنهيده
وبيفهمنى
انه طردنى بره وريده
لما بعدت -- وسبت انا ايده
--------------