شيال الحمول ,,,,, بقلم / ماما نونة

شيال الحمول
-------------
ياصبر صبرى اشتكى--من صبر ايامى
والحزن شافنى-- بكى -- بالدمع علشانى
---------------------------
... حمل ياجمل الحمول -- واصبر على صبرك
اصبر-- واكتم فى صوتك -- لو يشتكى-- قلبك
ياللى رضيت بالحمول-- وكتر الحمول-- هدك
اصبر-- يمكن تنول -- او ينقطع نفسك
ان كنت متالم --محتاج لحنيه
اشتكى لله--عنده المداويه
فى الصبر يمكن تلاقى -- الراحه مخفيه
او ايد تطبطب عليك --بكل حنيه
----------------
حمل ياجمل الحمول-- واتحمل القسوه
قدرك كتبلك كدا -- فى دنيا ولا تسوى
محتاج لاايه منها--غير لقمه والكسوه
ان بت يوم مجروح-- داوى الجراح-- بالبسمه
سيب الحمول لله -- هاتعدى مالأزمه
وارفع جبينك فوق--واتعلم العزه
----------------------
سميره الاسريجى
ماما نونهمشاهدة المزيد