مركب الاوطان بقلم : حسام محمود
مركب الاوطان
بقلم : حسام محمود
------------------------------------
يا مركب الاوطان يا ريت تعدينى
محتاج لبر امان عالشط رسينى
غايب بقالي زمان زاد شوقي وحنينى
علي شط نهر النيل الوقفه والمرسه
دي مصر بلدي حبيبتى اديها نور عينى
بعدت عنك يا غاليه وصورتك ما فارقتنى
ارتاح من الشوق وانام في الحلم بتجينى
في الغربه انا مشتاق وان حد جاب سيبرتك
ابكى من غير دموع وانده وحشتينى
يام الهرم والنيل والقلعه والازهر
لو تنكر الايام تشهد بها سنينى
بينك وبينى بلاد لكن انا شايفك
لو نظري عنك غاب قلبي يورينى
شايفك حزينه ليه والدمع ماليكى
دمعك يا نور العين ناره بتكوينى
راجع امسح دموعك وارتمى في حضنك
عطش السنين هيدوب وبنظره تروينى
ليست هناك تعليقات