((( احوال الناس ))).... بسام مخيمر
............((( احوال الناس )))..........
بسام مخيمر
---------------------------
لو مشيت فى ارض ربك
راح تشوف من كل اصناف البشر
تشوف اللى قاعدين ع القهاوى
بشربوا قرفه وازوزه وكام حجر
واللى قاعدين يلعبوا دومنوا
وكتشينه وفيهم اللى يكفيه النظر
وفيهم اللى شيطانه غلبه
واللى على شيطانه انتصر
واللى قاعد يدعى ربه
واللى بيصلى وقت السحر
واللى تاه وسط الزحام
واللى يكتب قصته فى ضى القمر
واللى يعاكس بنت حلوه تعجبه
واللى سارح فى هم تاعبه مغلبه
واللى ماشين فى الشوارع
واللى نازل واللى طالع
واللى قاعد يشرب خمره
واللى بيصلى فى جامع
واللى يزرع ارضه خير
واللى بيشغل مصانع
واللى نفسه هفته لاكلة كوارع
واللى راجع بعد غيبه من السفر
نفسه يشوف ضناه ولصدره يضمه
واللى ماشى الهم شايله
نفسه يجرى ويرتمى فى حضن امه
واللى عنده كل شئ
عمره ما شال حتى همه
واللى نفسه فى كيلوا لحمه
ياكله او حتى يشمه
واللى عمره ما كال طبيخ الا فى حلمه
واللى غره المال وباع نفسه وضميره
واللى عمره ما باع نفسه ولا انذل لغيره
اصل البشر انواع وكل واحد مننا يختار مصيره
بقلم/ بسام مخيمر
ـــــــــــــــــــــــــــــــــــــــــــــــــ
ليست هناك تعليقات