خسرت أنا الرهان بقلم : محمد توفيق
----------------------------
رهنت أنا يوم عليكى
رهنت أنا عقلي بيكى
عقلي قاللى عذابي
هشوفه بين ايديكى
رضيت أنا بالتحدي
وقبلت أنا الرهان
وقاومت اى فكره
بترفض حبي ليكى
قبلت أنا الرهان
وقلت قلبي في أمان
قلبي اللى كان مناه
يشوف عمره في عينيكى
ومرت الأيام
وخسرت أنا الرهان
وتاه قلبي كمان
مبقاش قادر يفرق
عدوى من حبيبي
ده أول اختبار
وده أخر اختبار
وضاع قلبي في هواكى
من غير اى اعتبار
خسرت كل حاجه
من غير حتى اعتذار
من غير حتى اعتذار
خسرت أنا الرهان
عطيتك كل حاجه
عمري ما طلبت حاجه
وياما حلفت ليكى
أن انتى كل حاجه
حبي مش ضعف منى
وأخلاصى ليك قاتلني
وشعوري كان حقيقي
مش زيك..غصب عنى
قلبي ده كان ضحية
وده العيب اللى فيه
لغيت عقلي معاكى
واديتك عمري كله
وقلبي كمان هديه
وقبلت أنا الرهان
قبلت أنا الرهان
وخسرت عمري كله
وضاع كل الحنان
وخسرت كل حاجه
من غير حتى اعتذار
من غير حتى اعتذار
والأخر بأعترفلك
أنى خسرت الرهان
أنى خسرت الرهان
------------
ليست هناك تعليقات