حبيبتي الحلوة ــ بقلم : يسري الفار
كانتِ لي نسمة شرقيه
كعبير الزهر كمان هيّـــه
تكتب وتشخبط عالميّــه
بشباك نسّــاج
بصباع من عاج
تكتب زجـــزاج
وعلي الامــواج
إسمي وحروفي المنسيه
من غير تصحيح
لكن بصحـــــيح
وف حضن الريح
تكتب تســـابيح
علي موجه حلوه معديه
وبدفـه تســوق
وتاخدني لفوق
سـاعة ماتروق
ولافيه مـخلوق
تحضني بشوق جوه إيديا
واتشال واتحط
واطلع عالشط
وانام ف الخـط
وتقولي بشرط
تفضل جوايا وف عينيا
وف ساعة القرب
في عيون تتحب
وف بــحر الحـب
الريـــح لو هَـــب
تبقي لي شراع ومراكبيه
لو زاد المـــــــد
وفي عز الصهد
برمــــوش تتمد
وبلـــــون الــورد
تبقي لي كراسي وشمسيه
ترويني حــــنان
وبكــــل أمــــان
تبقي لي كمان
البيت وحــيطان
قارب دفيان ومــــعــديه
وازعل لو اشـوف
ف عينيها الخوف
واكــــتب بحروف
قلبي المــــلهوف
بهواها بكل حـــنان هـــّيه
جوايا في قلبي وف عينيا
البلــد الحــلوه المــــصريه
............... ))
ليست هناك تعليقات