ورقه عمرى.*.*. بقلم / محمد لبيب مصيلحى

عند بزوغ الفجر

رميت بذور هوايا
فى قلوب كانت بور
والحياه كانت ثوانى
ورويت نبت الارض
بدموع وأهات ليالى
وفى ليلة طلع الجذر
والظلام كان هو حالى
بوليد أول الحب
من غير اى سواقى
بالايام والساعات
كبرت معظم اوراقى
بشوق وحنين السنين
ورقت كل ازهارى
على فرع كان ميت
بثمار شجرة احلامى
وبطلوع يوم جديد
اصبح للنهار شمس
تسطع وتنير ظلامى
بنور الحب بدأت ايامى
وطرحت ثمار المحبه
على غصن اوراقى
وبمرور الوقت
دخل ظلامى تانى
ودخلت حلم الهوى
على شاطئ اوراقى
ومع اول الحلم
ظهرت أحلى ازهارى
ببستان أعماق بحارى
بأمواج تخلع كل اوراقى
بفراق كل أحلامى
بلحظة عشق
بلحظة جنان
اوهام بذور أحلامى

.*.*.*.*.*.*.*.*.*.*.*.*.*.*.*.*.*.*.*.*.*.*.*.*.*.*.*.*.*.*.*.*.*.