جوه الاوتوبيس ...... بقلم أ / ابراهيم الغنيمي

 

بقلم / ابراهيم الغنيمي

 

جوه الأتوبيس شايف زحمة ------ وناس كتيرة أوي محشورة
ناس قاعدة ولا ...في دماغها ------- وناس تانية واقفة ومقهورة
وصراخ طفل علي حجر أمه --- بيبكي بصوت عالي معقولة ؟
اكمن الجو يا ناس كتمه ------------- وشبابيكه كلها مقفولة
وسباك بعدته واقف ------------------- وبأيده التانية ماسورة
فاكر الأتوبيس له كارو ----------- ورامي علي ظهره الحمولة
ودي ست كبيرة مش قادرة ---- واقفة علي أعصابها ومذلولة
ما في راجل قام يقعدها --------------- ترتاح وتقول ممنونة
وده طالب نايم علي نفسه ----- وكتبه علي الأرض منشورة
بيسهر ليه الليل كله --------------- ومدرسته بدري مذكورة
وحرامي ايديه في جيب غيره ----- مش لاقي فيها السيولة
أتاريه فقري من يومه ------------ وخدعته الملابس المبهورة
وناس متعلقه علي الباب ----------- عايزين يوصلوا بسهولة
لو واحد منهم اتصاب ------------------ تبقي نهاية مشئومة
الكل بيحارب علشان يوصل ------- ومحطتي لافتها مكسورة
جوه الأتوبيس شايف زحمة ------ وناس كتيرة أوي محشورة