أنا بتألم .... بقلم / الشاعر نبيل الورداني

¶ أنا بتألم ¶
أنا بتألم من جوايا
حتى مشاعرى كتير بتخونى
وتفهمنى بإن هوايا
عمره ما فكر يوم ينصفنى
أنا مش ناوى أقولك تانى
ليه حيرتِ الحب ف أمرى
ولا ح اتغزل أبداً فيكى
وانسف كل كلامى وشعرى
أنا مش ناوى أكون مجنون
واحسد ليلى واقول للكون
إن كلامى ماهواش حصرى
أنا بتعلم لما اتألم
أكتم كل كلامى ف قبرى
كان يكفينى اتعلم مره
ولا اكررش المر ف صبرى
¶ نبيل الوردانى ¶