انواع الناس ... بقلم/ الشاعر عبدالهادي غزال
انواع الناس
اياك توصف وتمدح ناس
باكتر م اللي يستاهلوه
او توهب في يوم قلبك
لناس بالرخيص يبيعوه
ولا تعلي في يوم واطي
ولو هتموت ولا تطاطي
خليك عالي زي النخل
يتمنوا في يوم يطولوه
فيه ناس مهما حبيتهم
ومهما جبت واديتهم
وصوابعك شمع قدتلهم
هتلاقي الجميل نكروه
وناس بالكلمه تملكهم
وبضحكه حلوه تإسرهم
واللي يصون عشرتهم
في نن العيون حفظوه
وناس ترقص علي الحبلين
في اي اتجاه ماشيين
وبدل الوش ليهم اتنين
علي حسب الكلام رسموه
وناس من بره تتفرج
في عز الجد بتهرج
اذا كان القوي الباطل
قاموا هللوا ونصروه
ليست هناك تعليقات