مجلة رؤية قلم / ( تعب السنين ) / بقلم / (نبيل الوردانى) / تحياتي وفاء غريب.....
( تعب السنين )
حيرتى ما بين نارين
وطنى ياحب السنين
يا إهل كل الناس
الحيله والمساكين
عشقك على فمى
شايل سنين همى
الغله راحت فين
عيد الحصاد إمتى
الحب مش شلته
أقعد وأتسلطن
ومد ف الرجلين
يابو خطوه محسوده
وجنه موعوده
القبله راحت فين
يامسجدى الأقصى
وثالث الحرمين
سبح وإسألهم
فين العروبه فين
لما انتو بايعنها
قولولى إيه شاريين
راسيين على سكه
وللا مش راسيين
والحكم مش عركه
الرجم للشياطين
قاعدين ف وسطينا
بيمزمزو فينا
واحنا مش دارين
والطامه ياعمه
بنقرا ف سورة عبس
وهما فى عم
ولا يتساءلون
أتارى بقى هما
م الغفله مش فايقين
الشال مع الغتره
والكاب عليه ستره
والحرب بالأجره
يام اللغه والدين
وخيرنا مش لينا
بنصدره بركه
نستورده علكه
كله سلف أو دين
واللد والرمله
وحيفا أو يافا
متقولى يا حطين
مين اللى جاب راسنا
جوه ف قلب الطين؟؟
(نبيل الوردانى)
ليست هناك تعليقات