( شاعر المعركة/ عبد الله بخيت) مصر..كان حبها في القلوب.

مصر..كان حبها في القلوب..ونبض قلوبنا ونحن في حرب الأستنزاف..عد تنازلي يقول: لقد أقتربت ساعة الصفر..لتحقيق العبور والنصر.

فأرواحنا هينة رخيصة من أجلها..فهي الأرض والعرض والشرف .ونحن رجالها.حبا وتضحية وفداء..وشعارنا..اما النصر او الشهادة.

وكنت وانا في موقعي وخدمتي..اقول لنفسي

مثل كل المقاتلين..

لمن هذا السهر والتعب والمعاناه .أذ لم يكن لمصر..وبدأت اكتب من ديواني.( من وحي المعركة)

بعنوان. (( غالية يا مصر))

دايما غالية يا مصر يا بلدي*

غالية يا مصر*

زي عنية وأخويا وولدي*

غالية يا مصر*

كل شبابك ابطال صاحيين*

حالفين بيمين راح نحميها*

ورجال شجعان دايما جاهزين*

قايلين بالروح را ح نفديها*

وأملنا يا مصر نجيب النصر*

هدية لشعبك نهديها*

والغنوة الحلوة في يوم النصر*

لأغلي حبيب هنغنيها*

ونقول دايما غالية يا بلدي*

غالية يا مصر*

عندي وأهلي وأخويا وولدي *

غالية يا مصر*

أقسمت يمين بالارض الغالية*

ودم رياض ورمال سينا*

أقسمت بأرضي وكل شهيد*

بأيماننا هنهزم أعادينا*

دا في جنب قنالنا *

عزيمة حديد* 

يا تاريخ روح سجل أسامينا*

اكتب بطولات*

افتح صفحات*

يوم التحرير فرض علينا*

دايما غالية يا مصر يا بلدي*

غالية يا مصر*

زي عنية وأخويا وولدي*

غالية يا مصر*

راح أضحي بدمي* 

يا امي يا مصر*

علشان ارضك*

والدار حتعودوأجيب النصر*

وأصون عرضك*

راح تفضلي قلعة*

وشعلة نور للحرية*

وتعيشي يا مصر*

برجال شجعان *

وشعب مثال للوطنية*

منصورة يا مصر*

عظيمة يا مصر*

وبأرواحنا نفديكي يا مصر*

( شاعر المعركة/ عبد الله بخيت)

جبهة القتال..يناير ١٩٧٣.

حقوق الطبع محفوظة.