(( الفنوس وزينة رمضان )) بقلمي / محمودصلاح السيد
(((( الفنوس وزينة رمضان ))))
شباب حارتنا الطيبين الجدعان
مع حلول شهر رمضان
شهر الكرم والجود والإحسان
علقوا الزينه فى كل مكان
ونصبوا الصوان على باب حارتنا
وعملوا مائدة الرحمن لإفطارالصائمين
من كل مكان غريب كان أوفقير محتاج
ولهم الأجر والثواب
أما لوسألت عن الفنوس
ودا حاجه معلمه فى النفوس وأحنا صغيرين
ودي حاجه لايمكن تتنسي دا هو الأساس
فرقنا الفوانيس على الأطفال
الكل فرحان وكترت الأنوار فى كل مكان
فنوس صغير فنوس كبير بينور ويطفي بالألوان
أحسن من الفنوس أوالمصباح السحرى بتاع علاء الدين
وعلقنا فنواس كبير بين بيتين مكتوب عليه أهلا رمضان منور فى السما شايفين الجمال
ياسلام ياولاد على طعم رمضان فى حارتنا وبلادنا مصر بعد الفطار فى كل شبر البندر والريف طعم تاني بفرحة تهليل ولعب وشقاوة العيال
لوكبير ترجع لعمر العشر سنين
ولاصلاة الترويح فى المسجد الكبير
يساعي من المصلين ألفين
أهل وحبايب والعائلات مجمعين
وفى مصلى للحريم ليشهدوا الخير العظيم
وبعد صلاه الترويح يسير الليل بنور رمضان
وينطلق المسحراتي الهمام معاه طبله للسحور
ويلف ويقول أناشيد دينيه على شان ينبه الناس لموعد السحور
ونتسحر والكل تمام وننوي صيام أيام شهر رمضان
ونروح للمسجد ونصلى الفجر جماعه ونرضي ربنا بالعباده والطاعه
وكل يوم على هذا الحال لحد ماتنتهى أيام الشهر الفضيل ونودعه وأحنا له مشتاقين ومنتظرينه يهل علينا كل عام وأحنا فى أتم صحه وأحسن حال
وبعوده عليكم وعلينا الأيام
ليست هناك تعليقات