★★★( للشهادة اخترت)★★★ بقلمي : حسين ابراهيم

★★★( للشهادة اخترت)★★★

قالها...

ماتقلقيش ياما لو عنك أتأخرت

...وتقلقي من إيه..

مأنتي رقيتيني وبأيدك أتبخرت...

ولو سألتك خضرة قوليلها أتكدرت...

جاي في الميعاد ياما 

حضروا الزينة ولمي أهل البلد ..

هو ياما ليكي كام ولد

أنا هاجي من سينا مع مدفعي اتصورت..

وكل أهالينا راح يحضروا وزمايلي وقائد وحدتي كلهم جايين يفرحوا معانا

أنا أمتي ياما مع الناس قصرت....

والبدله هاتيها مالترزي أنا معاه رتبت...وخضرة خليها تجهز الفستان ..والشيخ راضي المأذون يجي في ميعاده أنا معاه حددت..

قبل الفرح بيومين رجب كان خلاص

راجع ..

راجع بفرحته ناسي تعبه ومواجعه

القائد سأله..جهزت نفسك

تمام يافندم والسلاح سلمت..

وفي هجمة غادرة لديابه مسعورة.. ..جنودنا أتصدوا ليهم وأبادوهم

بس ااااه يا رجب أنت أنصبت

في الهجمة مينا أنجرح

وأنت سقط

فرحك هناك في السما مأنت للشهادة أخترت....