ماليش غيرك بقلــــــــــــم/ ياسرعيد
ماليش غيرك
ليه يادنيا ظالمانى
تبيعى وتشترى فيا
نفسى تكونى حسانى
وتحنى ف مره عليا
وهاعمل ايه يادنيا خداع
ماراحوا سابونى وحديا
أمى كانت حضن يساع
وبعد أبويا مين ليا
ماليش غيرك يارب الكون
بشكيله همى م الوحده
ومين غيرك عليا حنون
يارب أنا راضى بالقسمه
نفسى أحس بالعيله
وباللامه مع الأصحاب
الليالى لوحدى طويله
وانا عايش ماليش احباب
ماليش غيرك يارب الكون
بشكيله همى م الوحده
ومين غيرك عليا حنون
يارب أنا راضى بالقسمه
أنا راضى ومش زعلان
ماهو النبى يارب يتيم
وكرمته من الانسان
بس الوحده وجعها أليم
مش عايز منكوا ياعالم مال
دا ودى منكوا من السنة
نادا النبى ع الكافل قال
هتكون معايا فى الجنة
ماليش غيرك يارب الكون
بشكيله همى م الوحده
ومين غيرك عليا حنون
يارب أنا راضى بالقسمه
ليست هناك تعليقات