يوم فرحك يا بنتى . بقلــــــم \ أحمد شاهين
يوم فرحك يا بنتى
يوم فرحك يا بنتى
هو أسعد يوم
مبروك يا حبيبتى
والفرحه تدوم
دموعى فى عنييا
بداريها بإيديا
ما انتى كل الدنيا
بس دا المقسوم
يوم فرحك يا بنتى
حواليكى البنات
يا سكر نبات
وإنتى و عريسك
ما بينكوا حكايات
عنيكى فى عنيه
يا روحى عليه
يا رب تعيشوا
فى تبات ونبات
دموعى فى عنييا
بداريها بإيديا
ما انتى كل الدنيا
بس دا المقسوم
يوم فرحك يا بنتى
دى ليله جميله
ليلتك يا أميره
ومعانا صُحابنا
والجيران والعيله
كلنا فرحانين
ما فى بينا حزين
يا ليل يا عين
والله دى أحلى ليله
دموعى فى عنييا
بداريها بإيديا
ما إنتى كل الدنيا
بس دا المقسوم
يوم فرحك يا بنتى
هو أسعد يوم
مبروك يا حبيبتى
والفرحه تدوم .
ليست هناك تعليقات