ماعرفتش يا حبيبتي انام ,,, بــقلم الشاعر عادل عوف

ماعرفتش يا حبيبتي انام
وفضلت سهران اشتكى
إزاي قدرتي على الخصام
ازي قتلتي ضحكتي
عطشان لحضنك والدفى 
فين الحنان اللي اختفى
وفي لحظة قلبك اكتفى 
من حضن قلبي وصُحبتى
فين الغرام اللي تزرع
فوق الغمام لسنين عجاف
العشق كان عندك ورع
بدأت من بعدك اخاف
بدأت ألوم كل الظروف
وبدأت ألوم الطيبين
الدنيا بتخليني اشوف
إزاي فضلنا مخدوعين
إزاي أمنا للي خان واتخدعنا بالأمان
إزاي يا قلبي من زمان
واحنا كدبه مصدقين
الحب ساحب على العيون
غمى كل المبصرين 
و لما غالي اكيد يهون
يبقى شيخ المحظوظين
إتجرح حبه و روق
ومن صفوف الغافلين
خرج الأحزان شروق
نور لكل المخدوعين
‫#‏عادل_عوف‬