(( عرفنا الحياة )) للشاعر ~~~~ زياد الإسكندراني
عرفنا الحياه
==============
سهرانين ويّا الانين
ب نصبّر روحنا
على قسوتها
بنحلم بنهار له عينين
عشمانين
تبان وتهل
سكتها
ويومين يعدوا .
ويجيوا يومين
ولسّاها غايبة بردو
حلاوتها
وسرقتنا الأيام
والسنين وخانتنا
وخليتنا
ليها عِبرتها
واتقسمنا إتنين
وأه يا ليل
اه يا عين
من دنيا إحنا لعِبتها
وبقينا كلمتين
مش مكتوبين
ممسحوين
على هامش صفحتها
نسايانا وراضيين
عايشين مش عايشين
ضايعين
ف متاهِتها
نروح شمال نروح يمين
حزانا ساكتين
ملناش نصيب
في فرحِتها
وادينا سهرانين..
زي كل ليل
نحكي ونتحاكي .
حكايتها
بس المرة دي
لا مخدوعين
ولا موهومين
ولا مصدقين كِدبتها
خلاص .
عرفنا الحياه
واحنا مين في الحياه
وعرفنا أخرتها
إحنا حيين وميتيين
مولودين ......
عشان نكون بس
حصالتها ..... !!
=============
ليست هناك تعليقات