(( بعد السبعين )) للشاعر ~~~~~ عماد صلاح

^'^بعد السبعين^'^

*، *، *، *، *، *، *، *

بعد السبعين

الفاضل مين

والوحدة بتنهش في ضلوعي... 

الدرب طويل والليل جلاد... 

ومعتش رفيق ولا فاضل واد... 

ولا واحد بيواسي دموعي... 

بعد السبعين... 

السن كفيل... 

يحكيني قصص تهوا الترتيل... 

والرعشه في ايدي أساس ودليل... 

علي طول الرحله وصعوباتها... 

في الماضي حجات يامه نستها... 

وحاجات لساني فكرها طشاش... 

وسنين... 

وحنين... 

وأصحاب اوباش... 

مش فاكر منهم غير تفاصيل... 

محمود كان ديما دمه تقيل... 

واسامه تملي ضاربها طناش... 

انا فاكر يوم ما اتخرجنا... 

انا فاكر يوم ما طلعت معاش... 

وصاحبت الجرنان والقهوة... 

وخسرت سنين كده علي سهوة... 

من يوم بعيش ومبحسبهاش... 

قضيت العمر اشتري عشره... 

وأما احتجتهلها انا ملقتهاش... 

وعملت الذكرة وطن ليا... 

وحفظت كلام الاغنيه... 

وحولت أغني الصوت اتحاش... 

بعد السبعين... 

انا بينكم ضيف... 

وبحاول ابقي عليكو خفيف... 

انا بس بحن سعات ليكم... 

من فتره الكل نساني مجاش... 

يا تري... 

لساه الماضي بيوحشكم... 

ولا ماضينا بقي ف الإنعاش... 

يا تري... 

استني تجوني في يوم... 

ولا هيسباقم متر قماش... 

................................

‫#‏عمادصلاح‬