ملحمة الحياة بقلم / سامى أبو الغيــــــــــــــــــط
ملحمة الحياة
****************************
احلى حاجة جوه منا
عشق روحنا للحياة
وقلب يسكن بين ضلوعنا
الحلم بس يكون مناه
قلب يمسح دمعنا
يغفر ذنوبنا ف حلمنا
ويصاحب الليل الحزين
يمسح تراب الطريق من خدنا
ولاأننا
بنشتكى
من ضعفنا
جوه جبروت الزمن
ويهمنا
يجينا يوم
وسط ميدان المحكمة
نرفع شعار وسط الحصار فين التمن
لان الامل ف المحتمل
راكب على ظهر الجمل
والسكة ساكنه ف شرنقة
ومتزوقه
فوق حيطان بيتنا القديم
وإللى عشش جوه منه العنكبوت
تيجى تفوت جايز تموت
مابين تلول المحرقة
ينصب خيوطه ع الوشوش وماتشفوش
عاملى فيها الاخطابوت
وف عز لحظة م السكوت
تسمع تراتيل الامل
جايه من جوة التابوت
والبيت إللى قالو عليه قديم
لساه حزين
على ناس فاتوه
فى لحظة الم
عجز وشاب
أتهدم
والشيبة بانت ف الوشوش
حب يرسم ع الحطان حبة رتوش
عصفور وسامع الانين
سمع ل صوت الطرقعة جوة الضلوع
قام على صوت الزقزقة
والشرنقة
فتحت بيبانها للوليد
يسكن فى توبه الجيد
كائن عنيد
قبل الميلاد والمبخرة
همسة وكانت م البداية
انك وديعة مُسيرة
بنى الامل للى جوة المقصلة
والامل زعلان عليه
زعلان على روح وراحت
من بين ضلوعه
الطيبة
سامع بكى يمكن انين
يشرخ جدار عشرة سنين
اخر مبارزة ف ملحمة
جوة حياتنا المؤلمة
*********************
أبو وســـــــــــــــــــــــام
***********************
ليست هناك تعليقات