حروف هربانه : وليد الوصيف
حروف هربانه : وليد الوصيف
-------------
حروف هربانه
قلوب سهرانه
شُعراء نعسانين
صوت ضحك طالع
يهز الشوارع
رغم الأنين
حروف موزونه
في القلب مدفونه
يخرجها مين ؟
محتاجه شاعر
يترجم مشاعر
عُشاق مقهورين
العشق واضح
في زمنا فاضح
يا مُغرمين !
مات عم شوقي
وبعد شوقي
مات جاهين
مين ها يكتب ؟
ولو ها نكتب
مين يقرا مين ؟
النيل خاصمنا
والليل خاصمنا
وأخدنا عين
حروف كلامنا
توصف ألامنا
وخصام لاعِين
العشق مات
في الأغنيات
من سنين
فين وصف عينها
ونور جبينها
والرموش الجذابين ؟
فين وصف عودها
وتفاح خدودها
والضفاير المرصوصين ؟
الشِعر خايف
سحر الشفايف
والنهود السكرانين
ليست هناك تعليقات