بقلم #وليد_الوصيف أه بريئه
أه بريئه
----------
أه بريئه
أه رقيقه
والجنيه تبقى أحلى
لما تحس بأي ديقه
أصل هي بجد أم
زي أي .. أي أم
دايماً خايفه "ع" الولاد
دايماً خايفه من الحقيقه
قلبها سكنه الشكوك
الشباب من غير سلوك
انحدار يوم بعد يوم
والألفاظ واضحه وجريئه
انحطاط من غير حدود
البنات رسمه الخدود
والرموش زي البارود
في القلوب تشعل حريقه
التاتوه "ع" الأجسام
في الخلف عادي وفي الأمام
مش مهم حلال حرام
والحياه صبحت خانيقه
الشباب من غير أماره
أصبح همه "ع" السيجاره
ومُزه تلقطها السناره
حلوه مَره ومَره بيئه
لما العين في ولادها صابت
من الدموع عيونها دابت
حسه في التربيه خابت
الغلط كان في الطريقه
الشماته في عين جيرانها
حاجه بتدمر كيانها
حاجه بتهدد أمانها
خايفه حتى من الصديقه
بس عايشه "ع" الأمال
وان دوام الحال محال
حسه لسه فيه احتمال
الولاد ترجع بريئه
17/12/2015م
ليست هناك تعليقات