(( الله يرحمك يا أمي )) للشاعر ~~~~~ خالد العطار
لما جات تقعد قصادي.
.. قلت عادي
جاية تسلي وقتها بالكلام .
مكنتش أعرف أن عنيها
..مرغرغة بالألام
وان التنهيدة نارها حارقة
وصوتها ليه بحة شارقة
مقدرتشي حتى تقول لي سلام
قلبي اتخلع
ميكفيهوش ألفين وجع
طاطيت وبوست القدم
سلامتك يا أمي
ومين يا غالية عنك ينشغل
ولا ينام.
فديتك يا اما
ياللي وجهك نور بنور ربك
للي صلى واللي سمى
وتحت رجلك يا غالية
حفنة من تراب الجنة
يا حافظة كتاب ربك
وخاتماه ب .. عم
رفعت راسى حداها
واستلقتني حضنها بيداها
وقالت سلامتك يا وليدي
حميتك وانت صغيري
واتمنيت افديك بالف عمر
لو كان بايدي ..
ياااااه يا اماي ؟
ولسة عاوزة تفديني ؟
ولساكي حاملة همي يا نور عيني ؟
اتوحشتك يا اما
ونفسي اطول حجرك وأنام .
نفسي تطبطبي على ضهري
وتفكريني بجوز الحمام .
مالت بيدها علي خدي
مسحتلي دمعة وقالت سلامتك.
انا جاية افرحك يا خالد
وأصحي سر ابتسامتك.
صحيت من نومي ...
وبرد يدها على خدي
وضحكتها لسة قصادي
الله يرحمك يا أمي
ياما عشت برضاكي
ودلوك انا قلبي راضي
لروحك يا أم الغوالي
ألفين سلام
خالد العطار
ليست هناك تعليقات