بقلم/// حسن توفيق****** .......... مشينا ............. ===========

.......... مشينا .............
=================
مشينا ومش عارفين السكة
والضحكة بتشكى أمانينا
الخطوة عمّالة تدفع فينا
قلنا يمكن نرسى فى أى مينا
لا شوفنا ساعة شروق الأمل
ولا ضوء النهار بيْلاغينا
مشينا كتير .. علشان نرتاح
مشينا سنين .. أحزان وجراح
الخطوة بتبكى على الخطوة
نقع كم وقعة .. نغطس مانعوم
موجك يابحرنا ماله أمان
ونا بلا قارب أو أقارب
عايش ومش عايش ..
لكن هاعيش
وامشى على الشوك ..
علشان ارتاح
----------------------------------
حسن توفيق
2015/11/19