(( نزل المطر )) للشاعر ~~~~~~ أحمد شاهين

نزل المطر . غسل الرصيف
غسل الشجر
لملم طيور ساقها القدر
فردت جناحها . فرحانه بيه
وإبتدت رحلة سفر
نزل المطر . غسل الرصيف
غسل الشجر
كان نفسى يغسل الخداع
والكدب من قلب البشر
نزل المطر
فكرنى ب يوم ما وفقت
تحت شباك القمر
أستنى نظره . كانت مُغامره
كنت حاسس بالخطر
وكأنها ذنب لا لن يُغتفر
نزل المطر . غسل الرصيف
غسل الشجر
وانا لسه واقف مطرحى
مستنى.............
إمتى هتفتحى ؟
الشعر شاب
والعمر رايح للنهايه
وانا وحدى فى حُضن
الحكايه
ولا يُمكن أنساها
مهما حصل
نزل المطر . غسل الرصيف
غسل الشجر
كان نفسى يغسل الخداع
والكدب من قلب البشر
نزل المطر.
كلمات \ أحمد شاهين
25 \ 10 \ 2015