(( رحلة شجن )) للشاعر ~~~~ عبدالله السايح

……… (رحلة شجن)……… ..
قالو الحب جماله نهاره
ليل الحب جماله نهار
ياما سمعت كتير مواله
على أنغام طبلة ومزمار
ياما قال الناي أشعاره
ياما رسم بدموعه شعار
ياما خطف القلب وشاله
صوت الناي خدني في مشوار
قال لي طريق الحب بحاله
إمشي وﻻتغيرش مسار
قلت أنا شايفه ومش بااسعى له
قلب الفكر معايا احتار
قال لي الحب جماله نهاره
ليل الحب جماله نهار
قلت أنا هسأل عن زواره
قالو كتير في الحب انهار
حتى العاقل قال مواله
إعمل ويا الحب حوار
رحت وزورت الحب في داره
شفت الليل وكأنه نهار
أفراح والزينة على جداره
دمع العاشق منها مدار
قلت دموعنا بتفرح بيها
قال لي إزاي وأنا ليكو مزار
قلت حزين وبتلعب بيها
قال لي دموع الناس أنهار
لما بتجرح بتصحيها
دمع الحب حﻻوة ونار
وإنت بإيدك تمسك فيها
دمع الحب في أرضه خضار
لو كداب إشرب وإسقيها
شوك الحب مافيه أزهار
يعني بإيدك تمسك بيها
لوحة حب ياجنة يانار
قلت الحب جميل في نهاره
ليل الحب جماله نهار
يعني الحب له أسراره
قول لي ياناي إزاي أختار
إزاي أنزل بحر مجاله
وأقدر أكون غاوي الإبحار
قال الناى بأنين في حواره
مركب حبك لها بحار
إعشق وإغلط باردوا وماله
بكرى تﻻقي لقلبك جار
دمع الحب جميل وجماله
تصحى العين ونشوف أسرار
تعشق تاني الحب بحاله
تمشي وقلبك في التيار
قالوا الحب جماله نهاره
قلت الليل في عينيه نهار
………… (شعر)……… ..
عبد الله السابح