(( عروس النيل )) للشاعر ~~~~~~ ابراهيم بدر عبدالله

إسكندرية يامارية
وترابك.. زعفران
انتي غرقتي بالماية
وكان اللي ..كان
قالوا عروس البحر
كنتي عروس زمان
أما دلوقتي يامارية
روحتي في الفيضان
كنتي أجمل رسمة
كان راسمها الفنان
انا ياما دوبت فيكي
وف سحرك الفتان
كنتي.. أجمل غنوة
كان كلك شوق وحنان
ياما غنوا ...وقالوا
عمار ..يا اسكندرية
يا جميلة ...ويا أبية
وقالوا مكتوب عليا
ومسطر على الجبين
دلوقتي بقيوا أهلك
بيعانوا من الحرمان

ابراهيم بدر عبدالله