(( انا النسيان )) للشاعر ~~~~~ محمد سالم

أنا النسيان
*****************
أنا شاهد عليك يا زمان ياتوب الذل والحرمان
أنا عارفك أنا فاهمك أنا نفسى أكون إنسان
بقينا مجروحين يازمان ونفضل ذكرى للأحزان

أنا شارب سنينك صبر وعايش فيك على الكتمان
مصاحب كل أسرارى وأوتارى عدم بركان
وضايع وسط أحلامى وأفوق وألقى الحقيقة طوفان
وتسقط كل أوراقى ولا فى العُمر شئ باقى مع الطغيان
مع الأسوة وتوب الظلم والأحزان أنا مش باقى ليا مكان
أنا راحل معاك يازمان أنا الحاضر أنا الغايب أنا النسيان
محمد سالم