درس العمر = بقلم الشاعر / ايمن البلاط -- تحياتى جدو عبدو
درس العمر
بقلم الشاعر
ايمن البلاط
اتعلمت الدرس خلاص
من ظلم الدنيا
وكره الناس
اتعلمت الدرس صحيح
من غير لعب ولا تباريح
بس الدرس كان قاسى شويه
علمنى اصول الملاغيه
اتعلمت ازاى اتعامل
فى النفاق وازاى اجامل
اتعلمت ازاى اعيش
كان معايا او معايش
ماهى الحياه اكبر معلم
تفرح يوم والتانى تتألم
واهى ماشيه معانا عكس عكاس
علمها من غير ورقه وكراس
بس دروسها بتعلم
وتخلى الأبك يتكلم
من غير لسان ينطق بفصاحه
شاعر وفارس بكل واحه
واللى فيها اتعلم كتير
يسير فى دروبها ومكان مايسير
منخافش عليه ولا وسط النار
ماهو شارب دروس وعذاب ومرار
ولو يوم الزمن مال
تلقاه جبل شيال لأحمال
ماهو اتعلم
ماهو اتألم
ماهو شاف بعنيه
وبلسانه اتكلم
ومهما نقاسى فيكى يادنيا
منكرهك فى يوم ولا ثانيه
واهى دروسك بتعلمنا
صحيح بتوجعنا وتألمنا
بس لازم نعيش فيكى
اللى بايعك واللى شاريكى
الكل فيكى عايشين
رايحين كانو ولا جيين
المهم فيكى نستفيد
من اخطائنا
ومن حكاويكى
ونعيش يادنيا من جديد
بقلم الشاعر
ايمن البلاط
ليست هناك تعليقات