مصر*الميم ميــن؟*شعر/محمودالعزب

Mahmoud Elazab

مصر
شعر/محمودالعزب
7/5/2000
الميم ميــن؟
مين اللِّى قال إنِّك
رغم ان طال سِنِّك
لِسَّاكى يامُغْرَمَـه
هاتْحِبِّى لَوْ مُرْغَمَه
كُل اللِّى ليك غاوى

والصَّاد صابــرَه
صابرَه وصَبْرِك قَوى
ويشِد حيلِك هوا
مِتْنَقِّى ومْكَـرَّر
ويهِد حيلِك عَبيط
ودماغُه مِتْعَوَّر
ويعْلَّقِك إنسان بَسيط
لَوْ شُفتى فيه هاوى
والرَّاء رُمـوز
فَكِّيتى مِنها كْتير
وادِّيتى كُل أسير
للْحُب ف هَواكى
مَحْبوبَه مَلاَّكـى
لَوْ حتَّى كان حـاوى
والكِلْمَه على بعضها
بِتْقولِّى مين أدَّها
فيها المَواهِب كِدَه
والنَّظرَه منها بْشِفا
وف قُرْبها تْـداوى
يابَخْت مَن حَبَّهــا
واتْسَمَّى على إسْمَها
واتْقال دامَصْـراوى
واتْفال دامَصْـراوى.

Unlike