(( أنفجار )) للشاعر ~~~~~~ رضا ابو الغيط

ليل نهار
بسمع وأشوف انفجار
والضحايا ف الزوايه
عايشه دايما ف انكسار

انفجار .....انفجار

ليل نهار
بسمع وأشوف انفجار
ف المساجد اللى ساجد
شال على كتفه الجدار

انفجار .....انفجار

ليل نهار
بسمع وأشوف انفجار
والمدارس والكنايس
ليه تملى أشوفها نار

انفجار .....انفجار

يا زمان اصرخ وقول
انفجار صاب العقول
واللى صابنا منا فينا
واللى بينا راح يطول

انفجار .....انفجار

طول ما فيه ع الأرض خاين
طول ما الدم الحُر هاين
والقلوب النار كاويها
واللى بيها دموع مداين

انفجار .....انفجار

ع اللى مات كده من سكات
واللى وجعاه الأهات
ع اللى مادد لينا ايده
وف وريده دم مخلوظ بالشتات

انفجار ..........انفجار

ليه بشوف الكون حزين
ولا ليه دمعك يا عين
واللى فينا واللى بينا
زرع غرسه ف قلب طين

انفجار ..........انفجار

إمتى ها نقوق م الهموم
والسما تفوتها الغيوم
إمتى ها أبقى ف البلدى
شيئ ضرورى وليه لزوم

انفجار .....انفجار

امتى تطرح ليا أرضى
وفرحى ما تاكلهشه بوم
امتى راح تصونوا عرضى
والعيون يجيلها نوم

انفجار .....انفجار