عشااااق ... من زمن تاني ::بقلم جيهان فتحي

هنتجنن ..
وهتجننا نار العشق ..
و الأشواق ..
وأقوله إزاي نكون دنيا ..
مخاصمة فراق ..
أنا من يوم ما حبيتك ..
وطاب جرحي وحن وراق ..
ونفسي نكون حروف كلمة ..
ماتعرفهاش هنا أوراق ..
تكون ستري وأكون ضلك ..
قلوبنا مورقة بأوراق ..
فقالي أكيد أنا وإنتِ ..
محدش شافنا قابلينا ..
ولا تقولي منين وإزاي ؟؟
ده احنا خلقة الخلاق ..
عشان إحنا يا نور عيني ..
حبايب من زمن تاني ..
زمن ثومة على المسرح ..
تشوف الفرحة في عيني ..
حليم بيغني ع الأشواك ..
وسمعة الضحكة يهديني ..
زمن فاتن .. نجيب.. فوزي ..
فريد الأطرش مع الألحان ..
بيسكرني ويحييني ..
أنا وإنتِ ..
غير العشاق ..
أنا المجذوب ..
بحب ما شوفته ف سنيني ..
عشان الطهر ملبسنا ..
برغم العشق محبسنا ..
بفضل الله هيحميكي ويحميني ..
عشان بينا آيات قرآن ..
وعهد والشاهد رحمان ..
أنا عمري ما هتخلي ..
وإوعي ف مرة تسيبيني ..