دم الصباح ----- بقلم -- محمد يوسف حامد -------

بحس بدمعه جيانى

من اخر حدود الياس

وست بتقرص ف قلبى

كما العقرب

اقوم اشرب

الاقى مرار ف الميه

وحراميه

بتسرق من ضلوعى

الفرح

يا جرح موت

خلى الصعاب تفوت

وتعدى

على غار بيحكى

قصه الصديق

وحمامه بايضه

وعنكبوت

فارد خيوطه

ف وش اعداء الرسول

يا وطنى فيه مليون عزول

وست مشبوهه

بتلعب بالدقون

وكنيسه فى وسط الميدان

متحزمه بدم الصباح

ارتاح ياقلبى

دمعتك لسه ما جات

لسه البنات السمر

ما لبسوا الحداد