محمد محمد السباعى ...عارف؟

عارف؟

لما بابقى وسط لمه

والعيون مش شايفه غيرك

يبقى إيه؟

لما تبقى حياتي ضلمه

وفجأه تملا الكون بنورك

يبقى إيه؟

ولما تبقى الدنيا ظالمه

وانت تغمرني بخيرك

يبقى إيه؟

ولما يبقى في قلبي غُمه

وتيجي واتنفس عبيرك

يبقى ايه؟

لما تبقى احلى كلمه

كلمه خارجه من شفايفك

حتى لو غمضت عيني

بابقى برضه يا روحي شايفك

حتى وانت عني غايب

بابقى برضه حبيبي حاسَّك

ولما ودني مش بتسمع

غير جمال نطقك وهمسك

ولما ليل البعد يطْوَل

تيجي وتدفيني شمسك

وابقى حاسس اني طاير

لو في مره سمعت اسمك

يبقى إيه؟؟؟؟؟

مش سؤال مستني منك

تيجي وتجاوب عليه

لا ياحب العمر كله

حبي مش محتاج كلام

وازاي ؟وليه؟

حبي ليك من غير سبب

قلب كل الناس في كفه

وانت قلبك من دهب

يبقى مش محتاج جواب

دانت جيت غيرت حالي

جيتني بعد سنين عذاب

يبقى مش محتاج جواب

الإجابه: ان انا عايش في قلبك

وان انا...

مليووووووووووون بحبك