..(( الله عليكى يا مصر )).. ============= بقلم عونى هشام
يا بلدنا
قومى وانهضى
الهمة فى قلوب الرجال
عايزك
تقومى تكبرى
طهرنا ارضك والقنال
فيكى
الجنود صانوا الحدود
وعشان ترابك
يركبوا فوق المحال
اكتوبر
النصر المجيد
خلا الوليد
قبل الاوان يصعد جبال
انا
انا جندى شارك فى القتال
ويا الرجال
طهرنا ارض اجدادنا حقننا الامال
وانا
انا ثورة يناير فى الميدان
كسرنا كل قيود الظلم
حتى الحلم
اصبح شئ منال
وثورة التلاتين
مع الملايين
خرج جيشنا يصون شعبة
وقف للحق صال وجال
انا الفلاح انا العامل
وانا عامل
دروع من جسمى ضد الغدر
وابنى بلادى فى كل مجال
واقول الله عليكى يا مصر
بتوب النصر
وتوبك من تراب بلدى
مخلوط بالرمال
وانا واولادى
بنهنى وبنغنى
ونعزف لحن
ملفوف بالجمال
دا يوم عيدك
وانا فى عيدك باهنيكى
يابلدى يا مصر
يا ام الرجال
اقول الله
وانسى الاه
عشان ولدى يعيش فيكى
بعزة نفس صافى كل بال
يابلدى قومى وانهضى
الهمة فى قلوب الرجال
ليست هناك تعليقات