"" فى ليلة النصر""" بقلم/// محمود وحيد
ذى الليلـــــــــــــــة دى
كانوا الجنود صاحييــــــــــن
بيسبحوا لربنــــــــــــــا
وبيحمدوه ساجديـــــــــــــن
جرجس فى كتف أحمد
متوحدين الديـــــــــــــــــــن
وهريدى ويا شهـــــــاب
جوة الميدان واقفيـــــــــــن
مستنيين الصبــــــــــح
والكف شايلة الـــــــــــــروح
والعين مداها بعيـــــــد
بالسر عايزة تبــــــــــــــــوح
والقلب رغم الــــــــدق
لكنه كان مدبـــــــــــــــــــوح
مستنى ساعة الصفر
ويروح مكان ما يـــــــــــــروح
عدت ساعات الليـــل
وكأنها أزمـــــــــــــــــــــــــان
والدم بركان نـــــــــــار
مش طايق الشريـــــــــــان
بينادى شمس النــور
هلى على الشطـــــــــــأن
طفى لهيب جرحنــــا
وإروى اللى عاش عطشان
الشمس بصت من بعيد
وقفت على الضفـــــــــــــــة
مالت هنا وهنـــــــــــاك
والبسمة ع الشفــــــــــــــة
بتحنى فى الشطين
وبتعدل الدفــــــــــــــــــــــــة
شافها الجنود كبروا
نصب الولاد زفــــــــــــــــــة
الساعة جات اتنين
نادى البطــــــــــــــــل يالله
"أنور" وقلبه متين
وراميها ع المولـــــــــــــى
إدى الإشارة وقال
يا خير جنـــــــــــــــــد الله
دكوا حصون الغدر
خلٌوا الأذان يعلـــــــــــــى
هب الولاد يجروا
والراية فى إيديهــــــــــم
بعزيمة الأبطـــال
ثابتة خطاويهـــــــــــــــم
عدوا خطوط النار
راحوا يحصدوا فيهــــــــم
عبروا القناه صايمين
والمولى راعيهـــــــــــم
قام العدو مفزوع
لقى نفسه متحاصــــر
والنار فى كل مكان
مالهاش ولا أخــــــــــــر
طاطا وقال سلمت
يا مصرى مش قــــــادر
طول عمركم أبطال
وعدوكم خاســـــــــــــــر
ليست هناك تعليقات