بقلم أ بــــو عــمـــــا ر ا لـــمــــصـــــــــــر ى عنوان القصيدة صــبــــــــــا ح مـــــــــــــا ضى

صباح الخير

صباح أحلى من امبارح

صباح من غير وجع وهموم

نسيمه عبير وطير سارح

صباح أحرار

علم رفرف على جبينك

أمل طارح

صباح مصرى

بلون مصرى

وانا العاشق وانا مسامح

مسامح بس ..فى حقى

فى حقك انت

ما اتسامح

ما انا المولود

فى شريانك

وراضع هم ..أحضانك

وانا الفلاح

وانا الجندى

وانا الفالح

فى عرق الطمية من لونك

أنا عقلك

وانا جنونك

أنا العابد

آدان الفجر ف عنيكى

وانا إمامك

وانا المأموم

وانا امبارح وآخر اليوم

وانا ...بكرة

وعلى فكرة

صباحى كان

صباح ماضى

وكنت بعيشتى انا راضى

لكن أنت ما خلصكيش

أموت ع المحيا من غيرك

فكنتى أحن من أمى

وشيعتينى ف العتمة

لئلا ياكلنى طير جارح

صباحى كان من امبارح

ما انا الميت من امبارح