عنيبرة إبراهيم الوافي عنوان القصيدة هدية إلى شباب ثورة البوسان.

شباب اليوم بالعلالي دايرين كيرة كبيرة

كالوا يصح البوسان في الزنقة مع البيرة

هادو طار ليهم الفريخ ولاو من قوم شكيرة

نساو باللي غدا مع ربي حريرتهم حريرة

شباب اليوم ما عندهم لا حياء و لا غيرة

و كثر الفجور عندهم و الزنا مع التشمكيرة

غبرو شباب احترم تحترم و الكلمة المنيرة

أصحاب الاجتهاد و القرايا عل الحصيرة

ولاو بلاصتهم خرامز بكيرة و التكعيرة

أصحاب قلة الترابي و قذف الهدرة الصغيرة

شباب اليوم عبدو الدراهم و شياطين التخنزيرة

و كالو نهدمو بيوت الله راها لودنيهم مضيرة

شكون يفكر فيك يا مسكين و جيوبك الفقيرة

شباب اليوم باعو تمغربيت و اتاي و الخميرة

شكون معاك يا مواطن في الساعة الأسيرة

شباب اليوم مدكوكين ببراة الغدر الشفيفيرة

كنطوارات الكتب تحركو مع لون التحميرة

مشا الثمر و الكركاع و اللوز و جات أيام التجبيرة

ثمن الزيت و الحليب ولاو غلى من التأشيرة

غلات العيشة في البلاد و اقتصرنا على التشحيرة

المغربيين كيتفرجو اليوم في خيراتهم بنظيظيرة

و الغربيين الحرايميين كيستمتعو بمغرب النويويرة

هنا تكلمو شباب المغرب ديال بصح بالغيرة

و كالو فين إسلامنا و حقنا من خيراتنا الكثيرة

ضميت صوتي ليهم نغيرو المنكرات الكفيفيرة

و لكن أش غنديرو العين بصيرة و اليد قصيرة