شوقية كامل ...انتصار

زى النهاردة

اتجمعت كل القلوب

فى قلبك انتى

وتوحدت كل الايادى

فى ايدك انتى

واتفجر الحلم اللى كان

دايما بنحلم بانتصار

والضربة هزت قلبنا

فى عز النهار

ورقصنا ليكى وغنينا

ورفعنا راسنا وعالينا

علمك يا مصر فوق كتافنا

فى ارضك اتبدرت افراحنا

وبقينا احرار

ورجعتى لينا ولولادنا

نحكى ونتحاكى بامجادنا

طول السنين

وفى كل ذكرى تلاقينا

متجمعين

ع المصاطب

ع القهاوى

سنين غناوى تلمنا

سنين حكاوى تضمنا

فرحة اكتوبر سنين

متتنسيش

انتصاره تاريخ طويل

ميتمحيش

جيل ورا جيل

وعشان راضعين منك يا نيل

هانعيش نقول

ونموت نقول

حبنا حقق لنا

المستحيل