فـ يوم تندم ، بقلم / هشام عوض

وليه الحب هجر وبعد

وايه الهجر فيه بعده

وليه ياقلب كان الصد

ومين للود صان عهده

انا بالحب بتعـــــــــذب

وبعد الهجر مش هرتاح

ومنها الصد بتعجب

وليه الحب كانلى وراح

من الاول مقولتيش ليه

فـ قلبك كنت انا خانه

وقلبك غيري ساكنين فيه

هوايتك غدر وخيانه

بتغويهم بكلمه بذوق

وكام تنهيده وحكايه

وتغريهم بحب وشوق

ونفسي العمر ويايه

قوليلي الحب عندك ايه

كلام ناعم وتسبيلتين

وكام غنوه وتجري عليه

حبيب قلبي ودمع العين

وبعد شويه قال زهقت

تشوف غيره يكون أحسن

مفيش ولا يوم عليه ندمت

ولايمكن هتتحسن

اكيد هيجيلها يوم تاخد

عذاب مكنتش تستناه

عشان ربك اكيد شاهد

ويوم في الاخره راح تلقاه

وحتى عذابها فـ الدنيا

تدوق مـ الكاس شراب علقم

تقاسي مرار قلوب تانيه

تخليها فـ يوم تندم

-------------------

-