وشاورت لي ، بقلم / محمد الشرقاوي

وشاورت لي

واديتني ميعاد نتقابل

برغم البعد في المسافات

انا في صحــرا

وهي بلدها علي الساحل

تزينها جبال أطلس

وناسها كل الحب تستاهل

وبيني وبينها ساعات وساعات

وعلشان حبيتها

قلت أطوي المسافات

وأسافـــــــــر

وده قلبي بيشجعني

ويقول كسبان في الاخر

اتاري قلبي كان كذاب

وضاع مني في سحر عيونها

واهي بأيدها وبكل القسوة

راحت قتلاه

يستاهـــل

وأه منها بنات الناس

لما تلون وشها بجمال غشاش

وهي أسود من الداخــل

ومش حنكر

أن اللعبة حبكتها

وفصلت منها

قمصان نوم وملابس

وغنج ودلال وابات شبعان

واقوم من النوم ليها جعان

وبهاتـــي

وكأني الطفل وهي

المرضعــة لحياتي

وفي ثانيــــــــــة

لقيت قلبي مليون حتة

متقطع ودمه بينزف

وهي في حضنها التاني

وبتكرر نفس القصــــة

ما هي شاطـــــــرة

وبأسم الحب

بتاجــــــــــــــر