بقلم علي عبد الحميد سليم عنوان الفصيدة درويش جمالك

قالتلي اكتبني في قصيده وقفت بليد
مفيش ولا كلمة توصفها حبيبتي اكيد
مفيش ولا معنى يستجرأ
ويوصف فيها احلى عيون
وشعر الدنيا يتبرجل
قصاد ملكة جمال الكون

جمالك فالخيال ايـــه
وسحرك قصه وحكايه
ولما تبصي فـ - مرايه
بتنطق مالجمال الله

عشان ماكدبش لما اقول أنا مباشوفش فيها عيوب
عيوبها مش كتير لكن مجرد لما أشوفها بأدوبــ

ويتلخبط كيان حالي
وصوت قلبي يكون عالي
ويسأل صاحبي ايه مالي
أرد عليه بقولة أه

ملكتي الكون يا سحراني ومش لاقي فـ-جمالك حل
ولو عمري يضيع جنبك وانا شايفك لا يمكن امل

كفايه عليا اموت واعيش
فحبك اللي زيه مفيش
اكونلك فالغرام درويش
ياأجمل حلم باتمنــــــاه