اللى حبيته بقلم / سيد صبيح
اللى حبيته راح
ومش راجع تانى
بعد حبى كله له
باعنى وقال انسانى
كانت خلاص قصتنا
حتتغنى على الربابه
اتارى كلامه كان خداع
وضحكته كدابه
بلوم نفسى انى حبيته
وسلمت له قلبى
ولاقيته مايستاهل
اى شيئ من حبى
كداب ومالوش امان
خاين وخان عهدى معاه
وانا عليه مش ندمان
وبلوم قلبى انه هواه
فاكرنى راح اتحايل
فى يوم عليه
وقول له ارحمنى
وابكى مابين ايديه
دابيحلم انى فى يوم
ممكن اصفا اليه
تانى ارمى قلبى
مابين ايديه
يعذبه ويجرحه وفى
لحظه يهون عليه
خاين وغدار وقلبه
كله اسيه
فى لحظه هنت عليه
وهو ماهان عليا
بس اعمل له ايه
هو اللى اختار بايديه
وانا مش ندمان عليه
وحعيش حياتى فى هنا
وح نساه ذى مانسي
وراح ااسا عليه
ذى ماعليا اسى
ليست هناك تعليقات